平成17年9月24日(土曜日) 時陰時雨
香港 0900 ® 東京 1730 ® 東伊豆(熱海)2000
早到機場,在香港掛一号風球下仍能準時起飛, 仲以為好好彩,點知過關大排長龍,足足浪費了個半鐘才出到成田機場！
還冒着雨去揾Mazda Car Rental Outlet, 最後差不多下午6:00先找到。(佢仲搬咗地方，我哋問人至知!
) 租咗架好新好平嘅M2 (1300cc 行咗8000公里左右)，立即前往第一站~熱海。
我哋第一次响日本揸車，記返起都幾驚險 
– 下着雨、黑MuMu、又唔習慣睇導航, 一開車己經跟唔切轉彎、又唔慣交通燈指示，有驚無險用咗2個鐘就揾到酒店 (熱海 ファンシービジネスホテル) 。一泊好車、放低行李，就去揾嘢食。
第一間食店就係 ”雜魚屋” Zakoya。我哋叫咗二人前海鮮燒き同啤酒一共￥8040，最好味係味增醬油燒魷魚。食完都成10:00, 已經好眼瞓, 希望明天不要落雨。
平成17年9月25日(日曜日) 時晴時陰
東伊豆(熱海)1000 ®東伊豆(伊東) 1200®城崎海岸1400® 東伊豆(河津温泉鄉) 1630
「真係希望在明天, 沒有再落雨啦。」
我哋响熱海海邊影了幾張相之後, 便嗱嗱臨開車出發。成段都是沿住海邊行, 快將到伊東市途中, 我哋被一排好鮮艷嘅建築物吸引住, 之後立刻Ｕ-turn。泊咗車後先知到係伊東海洋城, 係以海洋為主題嘅商店同餐廳，Twinnie仲買咗隻伊豆限定的山葵(Wasabi) Hello Kitty做手信。
之後我哋揸住架車去到伊東市附近行吓逛吓，走咗入一間食店叫 ”成木屋”，食咗出名嘅 ”萬福膳” 同 ” 七福神そば”，分別係￥1400同￥1200，地方同食物都有睇頭，味道有十分
。
其實伊東市無物特別，淨係出名海鮮乾貨，睇中仲可以即刻燒俾你食！
跟住又係沿住海邊行, 開始熟習車上嘅導航器(雖然都有行錯路), 大約一個鐘就到達城崎海岸, 今日又大風, 又大浪, 啲浪打到海邊的岩石都幾壯觀, 嗰度有吊橋同燈塔，都幾多遊客參觀。
我哋睇咗個多小時就揸車到住宿處 ~ 河津七滝温泉つりばし荘 (￥12000/1泊2食), 响度最特別係”抹茶風呂” (@￥1500/50mins; 獨立預約)，職員話有美容白滑嘅功效，值得一試！
這間酒店聽聞可以在河上木台進餐，好有型！
晚餐我哋揀咗伊”勢海老、牛ステ一キ豪快富士溶岩石燒プラソ”~即鉄板炭燒，味道還可以，而氣氛一流。
平成17年9月26日(月曜日) 半晴半陰
東伊豆(河津温泉鄉) 10:00 ® 南伊豆 (下田) 12:30
一早食完「早飯」，我哋就去嘆”抹茶風呂”。一邊泡溫泉
、一邊飲冰凍綠茶
，好寫意呀！
之後我哋就出發去”七滝瀑布” (遠足1個鐘)。
我哋中午又再揸車去下個目的地~下田進發。
１小時後，就到咗靜蠅蠅嘅下田市。我哋先去酒店check in。住宿地方係下田東急ホテル(貪佢夠平￥8400/night)。房間真係好掂，仲有電動廁板，最正係個無敵大海景。
正當呢個地方冇物景點時，最好係揾間好嘢食(寿司竹)、去local supermarket同果子店掃貨 (あおき、東急ス卜了、口口黑船…) 、返酒店泡溫泉 (又係向海仲露天！)、返房食住零食煲日本電視節目 (SMAPxSMAP 、肋肉雷台…)。
平成17年9月27日(火曜日) 大致天睛
南伊豆(下田) 9:00 ® 南伊豆(石廊崎) 10:00 ® 西伊豆(堂ヶ島) 12:00 ® 西伊豆(戀人岬) 14:00 ® 西伊豆(小土肥) 15:30
今天天氣好轉
，一早離開酒店，向伊豆半島最南端~”石廊崎”出發。去到一落車就發現好多奇岩怪石、斷崖殘壁，都算幾特別。
跟住我哋去咗”堂ヶ島”遊船河(有3個routes;我哋揀咗最短20 mins收￥900)。我覺得呢度嘅景色同收費都幾合理，而且一啲都唔悶。
沿住國道136，我哋去到号另一名勝”戀人岬”。當地人對呢度充滿愛情嘅憧憬。
因為據說响度大叫愛人嘅名然後向大海敲三下鐘，真愛就永恆不變喎！
(我哋入鄉隨俗，又寫咭、又影貼紙相、仲敲鐘，不過實驗証明個鐘係好難敲3次後識停!!!)
玩完呢度我哋去到小土肥入住一間有私人温泉兼面向海景睇日落嘅”星のなぎさ”旅館(好好feel呀!!)。呢度雖然要￥33000/night 包1泊2食，但享受指數值5
。
平成17年9月28日(水曜日)天睛微雨
西伊豆(小土肥) 9:00 ® 御殿場11:00 ® 輕井澤 16:30
晨早又玩了一轉房裡私人溫泉後，食個早餐便走人！
今日冇物景點去，只係中途停御殿場outlet入油加醫肚。成日足足加埋揸咗6個鐘車，又上山落山、tunnel加highway，有時仲揸成140km/hr個幾鐘。
最後因為navigation system冇間hotel個地方，我哋就去輕井澤觀光所叫人幫忙。個職員好helpful,我問佢(用英文)可唔可以幫我打電話叫pension嘅人到JR station接我，個職員就話間嘢冇呢啲service。我即刻同佢講可唔可以幫我用navigation system揾，佢就上車教我用，所以話”路在口邊”係無錯。
另外值得介紹住嗰間Piccolo Hotel ピッコロホテル・オペラ軽井沢。我响網上見好新好靚，係2003年先open，屋主係對夫婦，老公係bellboy、waiter同cashier，老婆係chef-cook、以前係singer。總之成間屋充滿音樂氣氛，可以話”浪漫滿屋”！
輕井澤(教堂之旅:石の教会、輕井澤高原教会)10:00 ® 輕井澤(輕井澤Taliesin)11:30 ® 輕井澤(Princess Shopping Plaza)13:30 ®北輕井澤(白糸の滝) 16:00® 北輕井澤(鬼押出し園)16:30
今因天氣好好，氣温有17度，我哋先到出名嘅教堂參觀。我覺得"石の教会"好特別，而且好有美感，難怪日本人咁想响度行禮結婚啦！
之後見時間尚早，就到"輕井澤Taliesin"行一行。其實度係一個人エ湖(同我哋香港嘅迪欣湖差唔多)，可以撐艇、放狗、散步用同嘆茶。另外仲有迷你golf game(同九龍仔公園一樣)、小型高卡車等，加埋2個博物館，當地人當佢係綜合活動嘅地方，一家大細玩過一個悠閒嘅下午。
中午我哋去"Princess Shopping Plaza"食嘢用同shopping,最後發現冇物好嘢買，好似TimXland咁，折咗都唔夠香港平，仲有仔咁，啲款一啲都唔靚、好少少就冇折，我估香港減價買嘢係低啲！
而今日最靚嘅景點就係”白糸の滝”。雖然道路要收費，但覺得唔云去就好可惜啦!
至於離佢唔遠嘅”鬼押出し園”就一般，一啲都唔吸引(有啲似爆石地盤！)
輕井澤 9:30 ® 清里(清泉寮) 11:00 ® 清里(萌木の村) 13:00 ® 清里駅 15:30 ® 清里(美し森) 16:00 ® 清里(Little England) 17:00
收拾行李，今天向清里進發。2個鐘車程就到第一站”清泉寮”~Keep Farm是也。因為嗰度嘅佐體驗工房大多需要預約(如揸牛奶、整麵包)，我哋walk in所以都係以參觀嘅心態。
當我哋到牛場時，工人咁啱要餵牛，佢見我哋响度就將啲草俾晒我哋餵，好好笑，我哋做咗免費勞エ。
至於”萌木の村”，又係一個充滿浪漫同歐陸嘅地方。
我哋去其中一間雜誌推介叫Merry Go Round嘅Café食lunch，okay啦。
由於時間尚早，我哋揸架車四圍兜。"清里駅"逛咗一圈，又去埋"美し森瞭望台"望下市中心，睇下有冇機會睇日落囉！
五點鐘就去英式Old-Age酒店check-in同食晚飯啦！
講番Old-Age呢間酒店，英式的城堡建築，房間裹的彩色窗口，洋溢着歐陸氣氛，再加上可能係我咁多次去日本最好食嘅fusion西餐 – 晚上食嘅煎魚同牛柳真係色、香、味、俱全。仲有因為星期五，啲日本人仲未放假，所以得我哋兩個包塲，氣氛冇得頂，啲食物安排就更加好啦。雖然每人一晚要￥11000，但都係highly recommend。
清里 9:30® 蓼科(維納斯路線:白樺湖 ® 霧の峰 ® 八島の原濕原)11:00 ® 小淵澤(八之岳Resort Oulet)15:00 ®清里(東沢大橋)16:30
今日食到一個美味嘅早餐
我哋就捉住好cool嘅老板+chef cook+waiter問佢可唔可以參觀其他房間，佢雖然冇物表情，都答應我哋。然後我哋又問佢cooking skills同 knowledge係唔係响外國學番嚟，佢就笑住講佢响外國邊啲地方做嘢同噙晚用嘅材料同做法，之後佢仲講咗好多關於間酒店嘅歷史，原來佢老婆都响呢度識，間酒店已經開咗23年嘞
。
同老板傾完計，我哋出發去”白樺湖”。一路上沿小徑山腰前行，小屋同樹林排得井井有條。天氣雖然有啲暗沉，空氣依然清新。 不夠2小時就到達白樺湖~一個當地有名嘅渡假勝地，亦係維納斯路線(駕駛或遠足)嘅起點。
沿路地形高低起伏，好多急彎同斜波，而且非常窄，所以有好多鏡同路標提示。 仲有不少”華Dee”同”Harley”迷沿途飛車，厲害!
我哋經過”霧の峰”，度可以試騎馬同放滑翔機。
不遠就到達”八島の原濕原”，係一個日本最南面嘅高原濕原，要經過12000年先形成，已被日本列為受保護嘅濕原！
由於有啲肚餓，我哋就去咗”八之岳Resort Oulet”，細細地，但Anna Siu 同Rebecca Taylor嘅手袋皮包都好低！
最後行完再兜吓風又到返酒店食dinnier啦。
平成17年10月2日(日曜日) 陽光普照
清里 9:00 ® 蓼科(維納斯路線: 車山高原 ® 霧の峰 ® 八島の原濕原 ® 美の原 ®美の原高原美術館) 13:00® 安曇野(大王山葵農塲) 15:00 ® 松本市 17:00
一早便要離開我全程最喜愛的酒店，老板還送我們走！
今日天氣好好，我哋見時間鬆動，所以再去完成整條維納斯路線，希望可以見到富士山最靚嘅一面，同埋遠啲嘅景點。
一路上，我哋見到一班又一班熱愛駕駛嘅人仕，好似踏單車阿伯、好型嘅華Dee、K car情侶一族、同老老幼幼嘅family car。
最後我哋發現今日(好天)嘅景色同噙日(陰天)係好唔同！
3個鐘後我哋去到最高位嘅美の原高原美術館，亦係終點站。因為最高，所以比較凍同大霧，揸車要非常小心！
落山時架車成日 “吱吱聲”，全部都是一個又一個髮夾彎，是全旅程最飄移嘅路段
，落山都要成個鐘呢！
跟住我哋向松本方向走，決定去安曇野到咗全日本最大規模山葵(Wasabi)農塲，”大王山葵農塲”參觀。
原來山葵係一條條，啲職員(阿嬸)仲即場磨俾你試食，你仲可以整條買番屋企用。
之後返回在松本酒店check in，行咗一陣街，早啲瞓準備第二日一早上上高地。
平成17年10月3日(月曜日)天睛
松本8:30®上高地10:00 (河童橋、 明神池) ®松本16:30
今天算係整個trip最好天嘅日子! 行山遠足一流。
因為有車輛管制，所以我哋先坐電鐵到新島島，然後再轉巴士先可以到上高地。
一到河童橋己經人頭湧湧，响嗰度望向前面嘅山峯，真係靚到”dum”一聲，所以有日本阿爾卑山脈之稱。
狂影相一輪後，就行去明神池。
平靜嘅湖面反映翠綠嘅山頭(原本係想睇紅葉)，真係靚到”dum dum” 兩聲。
今次發現日本嘅遠足徑大都鋪咗一條條木條，非常之好行。行行企企、又影吓相，用了差不多3個鐘先返回河童橋。
因為時間嘅關係，下次有機會一定會行埋另一邊面田代池方向嘅步行徑。
當返到松本後，仲有小小時間去shopping。我發現松本市都算係响伊豆同信洲中最旺嘅城市，至少都有間PARCO行吓吖。
飄移於日本伊豆、信州の旅 